Ade cerite uji ribang ngikut mamang njale nyakae ikan nih, " kalu dulu ribang gale didusun nih " uji mamang Acak mamang ku yang hobi nyakae ikan di ayik kikim, " kalu dik bie gulai pacak nyerundut kalu lah setengah ahi bule sekinjae ikan, macam-macam dapate ade Ikan Kapiat, Piluk, Lepu, Kepehas, Kepiul, Anak Baung, Behingit, Senggiringan, Cengkak, Kebarau kadang dapat Sema." uji mamang tadi sambil bejalan kayik nak njale.
Mpuk bejalan lah jauh uji nyakae bada njale yang banyak ikane tadi, mpuk keting lah tegehit masih mamang nih asik becerite, " nah kalu semang nyerundut masang bubu bae atawe tengkalak di sungai atawe di sawah pagi-pagian jenguk bule banyak ikan ade Ikan Keli, Kalang, Ketam, Udang, Huan, Betok, Seluang, sampai yang kecik beragi alap Ikan Aji. "
Awas tetanjal mang jiku dalam ati, nginak mamang besemangat benae niti licak di jalan kayik tadi hehe " Ndik ribang nian kalu dang musim ikan mudik. Ade Ikan Sengange, kalu ikan sengange ribang mancing, Kalu musim Ikan Palau ribang nyaring atawe nyerundut, nak ribang agi kalu musim ikan mude muat cacak bumbun di pinggir ayik mangke lehak dik kurung dapat sekinjae ikan mude. " uji mamang sambil nerawang ngingatkah jaman bahi.. " Maini lah sukae gale " nambahi mamang sambil nahik nafas kekali luk jeme kerih naik tebing. " Maini Ayik Kikim lah kecik, Ayik Saling lah suhut Ayik Empayang tambah lagi selentuat. Ntah Ayik Lingsing aseku lah same bae." uji mamang cecacak keruan ngape ayik jadi kecik gale" kalu nak nyakae ikan maini lah sukae gale jangankah nak nyakae Kepiat Kepiul Seluang bae dik tekinak, ai dim luduk nian jaman maini ". lah nyelah pule jiku dalam ati.
Jadi itulah pemirsa :D topik cerite kite sahini ngalur ngidul bae hehe..
2 Comments
